Waterpoloko emakumezkoen Euskal Selekzioak brontzea eskuratu du Brnon-n (Txekiar Errepublika) jokatutako EU Nations 2022 nazioarteko txapelketan. Europako Igeriketa Ligak antolatutako txapelketa da hau; alegia, igeriketa arloko diziplina oro erregulatzen duen elkarteak antolatutakoa.
Neskek bi garaipen lortu zituzten B multzoan, Gales eta etxeko selekzioaren aurka, eta galdu egin zuten Ingalaterra Red taldearen aurka. Emaitza hauek finalerdiak jokatzeko txartela eman zioten eta Hungariaren aurka porrota jaso zuen. Selekzio hungariarra izan zen txapelketako talde irabazlea eta Ingalaterra Red, azpitxapelduna.
Hirugarren postua lortzeko borrokan, euskaldunak Ingalaterra White taldearen aurka neurtu zituzte emaitzak eta garaipen estua eskuratu zuten (11-10). Honenbestez, hirugarren postua eta brontzezko domina irabazi zuten.
🏆 EU NATIONS 2022 🏆
— EIF-FVN (@eif_fvn) June 12, 2022
📸 Las IMÁGENES del torneo, con la medalla de bronce lograda por la EUSKAL SELEKZIOA
🇨🇿 Brno, República Checa pic.twitter.com/Gy04xIpX9T
Emakumezkoen EU Nations 2022 txapelketak kontinente osoko 8 selekzio bildu zituen pasa den asteburuan, hiru egunez, Za Lužánkami igerilekuan: Gales, Austria, Ingalaterra Red, Hungaria, Txekiar Errepublika, Ingalaterra White, Irlanda eta Euskal Selekzioa bera.
Imanol Maiza eta Gorka Sánchez hautatzaileek, txapelketaren amaieran, oso positiboki baloratu dute neskek egindako lana, partida guztietan borrokatu baitute eta jarrera bikaina izan baitute.
Gizonezkoen Euskal Selekzioak bi aste barru hartuko du parte txapelketa honetan.
«Ya estábamos aburridos de hacer las cosas siempre de la misma forma»
Hasta 1.600 vehículos contaminantes omitieron al día las restricciones en el centro de Bilbo
Chill Mafiak, musika eszena irauli duen kolektibo nafarrak, agur erranen du
El PP de Donostia exige que la escultura a las víctimas del franquismo incluya a ambos bandos
