Euskadi Irratiko eta eitb.eus-eko erredakzio kontseiluek gogor salatu dute EITBren zuzendaritzak Ion Kepa Paroten inguruan Maddalen Arzallusek egindako kantua webgunetik kentzeko hartu duen erabakia.
32 urteko espetxealdiaren ondotik ostegun goizean Mureteko kartzelatik atera zen Ion Kepa Paroten inguruko bertso bat kantatu zuen Maddalen Arzallusek Euskadi Irratiko ‘Faktoria’ saioan egiten duen kolaborazioan. Ohi bezala, EITBk webgunean eskegi zuen kolaborazioaren bideoa, baina kasu honetan, ordu batzuen buruan desagertu egin zen.
Ematen du Maddalen Arzallusen bertsoak kendu dituztela eitb-ren webgunetik.
— gaztelumendi (@iPatxi) October 15, 2022
32 / Ion Paroten kartzelaldia@eitbtaldea https://t.co/2u4d27z0SS
«Adierazpen askatasuna babestearen garrantzia azpimarratu nahi dugu, salbuespen kasuetan soilik mugatu daitekeen eskubidea baita eta hau ez zen horietako bat. Beraz, Euskadi Irratiko eta eitb.eus-eko erredakzio kontseiluetatik ez dugu ulertzen eta ez gatoz bat EITBko zuzendaritzak hartu duen erabakiarekin», adierazi dute ohar baten bitartez.
Era berean, Euskadi Irratiko eta eitb.eus-eko erredakzio kontseiluek babesa adierazi diete ‘Faktoria’ albistegiko lan taldeari eta bereziki Iñaki Guridi aurkezleari «jaso dituzten irain eta neurrigabeko kritikengatik».
«Bide batez defendatu nahi dugu, zerbitzu publikoa garen aldetik, Euskadi Irratiko eta eitb.eus-eko erredakzioek, errespetuz eta errespetuan oinarrituta, saio anitzak eskaintzeko egunero egiten duten ahalegina», gaineratu dute.
We're sorry, but something went wrong.
The issue has been logged for investigation. Please try again later.
Error ID:
85c6ec3eDetails:
Web application could not be started by the Phusion Passenger(R) application server.
Please read the Passenger log file (search for the Error ID) to find the details of the error.
You can also get a detailed report to appear directly on this page, but for security reasons it is only provided if Phusion Passenger(R) is run with environment set to development and/or with the friendly error pages option set to on.
For more information about configuring environment and friendly error pages, see: