Ernai gazte antolakundeak sare sozialak astindu ditu, datorren larunbatean, azaroak 18, Bilbon EH Bilduk deitutako manifestaziorako deia egitean «putodefender Euskal Herria» erabiltzean. 24 ordu baino gutxiagoan 250.000 ikustaldi baino gehiago izan ditu X sare sozialean egindako argitalpenak.

Espainolismo zikinenak komunikabideak, sare sozialak eta espainiar estatuko agenda politikoa okupatzen duen bitartean Euskal Herrian aurrera goaz eta larunbatean nazio bat garela erakutsiko dugu.

**** defenda dezagun gure herria.
Azaroaren 18an Gazteok Bilbora#NazioaGara pic.twitter.com/4zJ2CznY78

— Ernai (@ernaigazte) November 12, 2023

Eskuin muturra azken 10 egunetan, inbestidura akordio eta amnistia legea aitzakitzat hartuta, egiten ari den protestetako ikur bilakatu zen (bere nahiaren kontra) gazte bat, sare sozialetan argitalpen bat egin zuenean, negar malkotan, Poliziak gasa jaurti egin ziela salatuz «Espainia putodefendatzeagatik (por putodefender España)».

Bideoa eta esaldi hura biralizatu egin ziren sare zein komunikabideetan eta Ernaik buelta eman dio. «Por puto defender Euskal Herria» dioen kartel bat argitaratu zuten igande honetan X sare sozialean eta dagoeneko 250.000 ikustaldi baino gehiago izan ditu.

«Espainolismo zikinenak komunikabideak, sare sozialak eta espainiar Estatuko agenda politikoa okupatzen duen bitartean Euskal Herrian aurrera goaz eta larunbatean nazio bat garela erakutsiko dugu. Defenda dezagun gure herria», adierazi du Ernaik.