MFS Trapaga Sintering enpresaren itxiera eta 107 langileren kaleratzea salatu du LABek. Bihar, ostirala, Enplegu erregulazioko espedientearen (EEE) lehen bilera eguna dute eta greba eguna deitu dute, 9.00etan lantegiaren aurrean elkarretaratzea egingo dutelarik.
«Datozen asteetan, enpresak langile guztien kontratuak etengo ditu EEE bat aplikatuz: jarduera behin betiko gelditu eta 107 pertsona kaleratuko dituzte. Egoera kritiko hau enpresako zuzendaritzaren kudeaketa negargarri baten emaitza da», azaldu du LABek.
Automozio sektorean 40 urte baino gehigoko ibilbdea dauka enpresa honek, motelgailu eta segurtasun-sistemetarako osagaiak ekoiztuz.
«Bideragarria»
«Kualifikazio handiko langileak eta sektorean urte askotako esperientzia izanik, jarduera produktiboak bideragarria izaten jarraitzen duela uste dute. Erakunde publikoei dei egiten diete MFSn lan egiten duten pertsona guztien lanpostuak eta lan baldintzak mantentzea berma dezaten», gaineratu du.
Ildo honetan, langileek interpelazio instituzionala hasi dute Lakuako Gobernuarekin, Bizkaiko Aldundiaren eta Trapagarango Udalarekin.
«MFS Trapaga Sintering enpresako langileak ez daude borrokatu gabe amore emateko prest. Lantegia ixteak zuzeneko 107 lanposturen galera eragiteaz gain, kolpe berri bat ekarriko luke Meatzaldeko eta Ezkerraldeko industriarentzat, desindustrializazio politika basatiek zigortutako eskualdeak», gaineratu du LABek.
Juan Luis Agirre Letek askatasuna berreskuratu du, 28 urte preso izan eta gero
Graban el tremendo impacto de un rayo en las antenas de Zikuñaga de Hernani antes del amanecer
La dirección del Colegio Público de Gares comunica a las familias que abandona el PAI
La Federación Navarra de Pelota ve «legítima» y con respaldo la postura de la Federación Vasca
