25 urteko gazte batek istripua izan du Santa Graziko La Verna haitzuloan; talde batekin espeleologia egiten ari zela hainbat metrotako erorikoa izan du eta zauritu egin da. Erreskate operazioa jarri dute martxan.
Pirinio Atlantikoetako Prefeturak jakitera eman duenez, istripua igande arratsaldean gertatu da eta 18.30ean oraindik erreskate lanetan ari ziren.
Operazioko aginte postua Santa Graziko udaletxean jarri dute. Guztira 31 suhiltzaile, goi mendiko Jendarmeriako bi soldadu, frantziar Spéléo Secours taldeko bederatzi aditu, haien artean medikuak, eta Prefeturako lau kide mobilizatu dituzte erreskate laneratako.
Erreskatatu ondoren zauritutako espeleologoa ospitalera eramango dute artatzera. Ez dute zehaztu zaurien larritasun maila.
La Vernako leizea Zubernoan dago, Santa Grazi herrian, eta Europako lurrazpiko gela handiena da.
Expectación tras hallarse un planeta similar en tamaño y órbita a la Tierra
Muguruza, Rosalía, Guardiola, Amaia, Llach... en un gran festival por Palestina en Barcelona
Pradales también rubricó el PGOU de Zaldibar por el que se imputa a la exalcaldesa de EH Bildu
Desconocidos roban la ikurriña de Ayuntamiento de Ondarroa y realizan pintadas
