Bidasoa Irunek etxeko lanak egiten jarraitzen du 2025-26 denboraldiari begira eta, zergatik ez esan, etorkizun labur-ertainera begira. Larunbat honetan jakinarazi du Xavi Gonzalez iruindarra bere lehen taldera iritsiko dela fitxatuta. Nafarroako jokalariak 2028. urtera arteko kontratua sinatu du.
Xavier Gonzalez (Iruñea, 2004ko abenduaren 10a) Bidasoa Irun taldearekin bat egingo du Helvetia Anaitasunatik etorria. Talde nafarraren elastikoarekin egin zuen debuta Asobal Ligan duela hiru denboraldi. Ordutik, 70 partida baino gehiago jokatu ditu maila gorenean, eta guztira 156 gol sartu ditu. Azken denboraldian bere marka pertsonalik onena lortu zuen: 93 gol eta 3,10 goleko batez bestekoa partidako.
Hala ere, ez da denboraldi erraza izan iruindarrarentzat. Helvetia Anaitasunak maila galdu egin du, hain zuzen ere azken jardunaldian Bidasoak ezin izan zuelako Cordoban irabazi. Geroztik, talde nafarra krisi batean murgilduta dabil eta aste honetan bertan jakinarazi du lehen taldeak bederatzi jokalarirekin bakarrik geratuko dela oraingoz.
Xavi Gonzalez hegaleko jokalaria Munduko eta Europako txapeldun izan zen Espainiako Jubenil Selekzioarekin eta Europako txapeldun izan zen Espainiako Junior Selekzioarekin; hiru txapelketetan, eskuin hegaleko onenaren saria jaso zuen All Star Teamean.
Aizarotz, demostración palpable de que hay fórmulas para contrarrestar el despoblamiento rural
«Que Iruñea apueste por la dignidad colectiva ante el genocidio israelí es algo grandioso»
La renovación de Nico Williams, una operación «a lo bajini»
«Matxirulo, zure parranda bukatu da», autodefentsa feministarako deia Iruñean
