Donostiako Alde Zaharreko Gazte Asanbladak astelehen honetan jakitera eman duenez, Udalak Guardetxearen aurka jarritako salaketaren epaiketa datorren urriaren 7an izango da. Nabarmendu dute, beraz, epailearen agindurik gabe Udalak ezingo lukeela datozen hilabeteetan Guardetxearen desalojorik gauzatu.
Bestalde, Gazte Asanbladako kideek salatu dute Udal Gobernuarekin Guardetxearen esleipen baldintzak adosteko asmoz, auzoko hainbat eragilek egindako bilera eskaerei erantzun gabe jarraitzen duela.
«Egoera larria bizi dugu Alde Zaharrean», ohartarazi dute. «Honen isla da pasa den astearte honetan auzoko 15 kultur eta kirol elkarte, jai batzorde eta eragilek egindako Auzo Agerraldia, zeinetan auzoko hainbat ekipamendu auzotarron beharretara egokotzeko eskaera egin zitzaion Udalari», azaldu dute.
Horren harira, «arduraz jokatzeko betebeharra duen» Udala «entzungor egin eta langile klasearen interesen gainetik elite ekonomikoaren irabazi asmoak lehenesten jarraitzen duela» deitoratu dute Alde Zaharreko Gazte Asanbladatik. «Bitartean, auzotarron antolakuntzaren eta autogestioaren bitartez herri mugimenduaren mesedetara jardungo duten herri-egitura eta proiektuak martxan jartzen jarraituko» dutela argi utzi dute.
La Ertzaintza deja impune la desaparición del test de drogas del hijo de un jefe policial
Mueren tres esquiadores, uno vasco, por un alud junto a los ibones de Brazato (Panticosa)
El actor Sambou Diaby, expulsado de un bar de Bilbo acusado de mantero: «Aquí no puedes vender»
La exposición temprana a pantallas se relaciona con cambios cerebrales en la adolescencia
