Durangon otsailean ospatzen den 40 Minutu Rock jaialdiko antolatzaileek sare sozialetan zabaldu dutenez, jaialdia aurrera eramateko «ezinbestekoa den material» lapurtu diete aste honetan, eta horrek 10.000 eurotik gorako gastua egitera behartu ditu.

40 Minutu Rock elkartasun jaialdia da eta bertan ateratzen diren irabazi guztiak euskal preso, iheslari eta deportatuen laguntzarako bideratzen da. «Lapurreta honek asko baldintzatzen du laguntza hau», deitoratu dute.

Gertatutakoa salatzeko, elkarretaratzea deitu dute asteazken honetan, arratsaldeko 19.30ean, Durangoko Landako gunean. Bertaratzeko deia egin dute.