Munitibarren, Done Jakue Bidearen ibilbideetako bat igarotzen den herrian, Lea Artibain, «tentsio uneak» bizi izan dira ostiral honetan. Israelgo txirrindulari talde bat, tartean IDFko militar bat beraiek esandakoaren arabera, herrian dagoen Palestinaren aldeko «konponbide politikoa» eskatzen duen pankarta bat urratzen saiatu da. Batzuk, gainera, bertakoen aurka egin dute.
Une horretan bertan zegoen Munitibarreko auzokide batek NAIZi azaldu dionez, pankarta apurtzen saiatzen ari zirela ohartu direnean beraiengana hurbildu dira batzuk, «lasai-lasai». Orduan, kartelaren kontra jarrita zeuden bizikletak kendu eta apurtutakoa konpontzen hasi dira.
Ondoren, azalpenak eskatu dizkiete txirrindulariei eta hauek Palestina «ez dela existitzen» eta «historiako liburuak irakurri» behar dituztela esanez erantzun dute, «modu txarrean», Beñat Zabalbeaskoak azaldu duenez. Hauetako bi, gainera, «oso urduri» jarri dira eta bizilagunen aurka egin dute.
«Bost edo hamar minutu» iraun du liskarrak, txirrindularietako batzuek besteei joan egin behar zutela esanez hasi diren arte. Azkenean, Gernikako norabidean atera dira Munitibarretik. Auzokiak azaldu duenez, taldean nagusiak zein gazteak zeuden eta laranja kolorez jantzita zeuden.
Los sanfermines han terminado: cientos de afectados en el último encierro, el de la villavesa
Uno de los detenidos en Ordizia va a prisión y el otro queda libre
Hamarnaka eragile batu dira Hatortxu Rocken agur festara
Alertan de que Solaria ocupará miles de hectáreas en Araba para centros de datos a hiperescala
