Ukrainari defendatzeko armak bidaliko dizkiola iragarri du orain Trumpek
AEBk Ukrainara berriz armak bidaltzen hasiko direla hitzeman du Donald Trumpek. Pentagonoak bidalketak bertan behera utziko zituztela iragarri eta egun gutxira egin du iragarpen hori, hain justu Errusiako Armadak aire erasoaldiak ugaritu direnean eta diplomazia ataka bati aurre egiten ari den unean.
AEBko presidente Donald Trumpek Ukrainara armak bidaliko dituela iragarri eta kezka agertu du Errusiako presidente Vladimir Putinek Europako herrialdearen aurkako erasoak eten ez dituela eta.
«Arma gehiago bidali behar dizkiegu. [Ukrainarrak] Defendatzeko gai izan daitezen egin behar dugu. [Errusiarrak] oso gogor erasotzen ari dira», adierazi zuen Trumpek Netanyahurekin izan zuen afarian.
Hori bai, armamentua «batez ere defentsiboa» izango dela zehaztu zuen. Ukrainako presidente Volodimir Zelenskik batez ere Patriot defentsa-sistemako misilak, F-16 ehiza-bonbaketarientzako misilak eta doitasunezko artilleriako jaurtigaiak eskatu dizkio, eta erosteko prest azaldu da, Errusiaren erasoak eteteko.
Trumpek Putinekiko frustrazioa berretsi zuen, uko egin diolako su-etena onartzeari eta Ukrainako bonbardaketak geldiarazteari. «Ez nago batere pozik Putin presidentearekin... Nik gerrak geldiarazten ditut eta gorroto dut jendea hiltzen ikustea», baieztatu zuen.
Trump urtarrilean Etxe Zurira itzuli zenetik Putinengana hurbildu da eta presioa Zelenskiren bizkar gainean jarri du, Ukrainaren ondasun mineralaren ustiapena AEBren esku uztera behartuz.
Joe Biden presidente ohiaren agintaldian, Washingtonek 65.000 milioi dolarretik gorako laguntza militarra eman zion Ukrainari. Bidenen ondorengoaz, aldiz, gaur arte ez dio laguntza berririk iragarri.
Impassea AEBk bultzatuta, errusiar eta ukrainarren artean Turkian izaniko bi elkarrizketa saioek, maiatzaren 16 eta ekainaren 2koek, ez dute fruiturik eman. Hirugarren bat iragarrita dago, datarik gabe.
Iragan ostiralean, Trump «oso haserre» agertu zen bezperan Putinekin izandako telefono deiaren ondoren eta lehen aldiz Moskuren aurkako zigorrak gogortzeko prest azaldu da; azken sei hilabeteetan izoztuta egon dira horiek, negoziazioak bultzatzearren.
Errusiak hitz egiteko baldintza gisa Kievi exijitzen dio gerra fronteko lau probintziak, Luhansk, Donetsk, Kherson eta Zaporizhia, osorik bere esku uztea eta NATOrekin bat ez egitea.
Ukrainak, berriz, Errusiako Armada bere lurraldetik erabat erretiratzea eskatzen du, baita Krimeatik ere.
‘La Revuelta’ astindu du Zetak-en ikuskizunak... eta Euskararen Nazioarteko Egunean
Desalojado el instituto de Martutene, el Ayuntamiento solo realoja a la mitad en La Sirena
Solicitan inhabilitación y prisión para los policías acusados de agredir a un menor en Gasteiz
Euskal Herriko Osborneren azken zezena lurrera bota du Ernaik
