Albiste bikainak datozkigu Alsaziatik. Bertako Tourrean txirrindulari euskaldun baten protagonismoa izan dugu ostial honetan: Markel Belokik (EFEducation First) hirugarren etapa irabazi du bakarka La Planche des Belles Fileseko helmugan eta, gainera, 19 urteko gaztea lider ipini da bi jardunaldi falta direnean. Profesionaletan lortzen duen lehen garaipena da.

Gasteiztarrak helmugarako 4,3 kilometroren faltan egin du ihes, azken igoeran, eta bakarka iritsi da Tadej Pocagarrek 2020an bere lehenengo Tourra irabazi zuen toki berera. Bigarren sailkatua izan den Santiago Umbari (Astana) 19 segundo aldea atera dio Belolik. Kolonbiarrarekin batera Kamiel Eeman (Lotto) belgikarra eta Axel Mariault (CIC) frantsesa helmugaratu dira.

ENORME Markel Beloki cosechando su primera victoria UCI en la Planche des Belles Filles.

Venía de hacer un Top 20 en la general de Austria y ahora se pone líder del Tour de Alsacia. Qué mejor manera de dejar atrás una mononucleosis que le mantuvo mucho tiempo en horas bajas. pic.twitter.com/CtEnXa1tXC

— Alejandro Díez (@DiezA44) August 1, 2025

Emaitza honi esker, Markel Beloki Alsaziako Tourreko lider berria da, 6:30:55 denborarekin. Kamiel Eeman bigarren sailkatua da, 26 segundora, eta Santiago Umba, hirugarren, 33ra. Ez hori bakarrik, Joseba Beloki txirrindulari ohiaren semea gazteen maillotaren jabea ere bada, eta baita lehiakortasunarenarena ere.

Austrian lehenengo 20en artean sailkatzetik iritsi da Beloki Alsaziako Toourrera eta orain lider berria da gasteiztarra. Hori dena aurtengo denboraldian ordu asko errepidetik kanpo utzi duen mononukleosia behin gaindiduta eta World Tourrean egiten duen 23 urtez azpiko bigarren urtean.