Ertzaintzak pertsona baten gorpua aurkitu du ostiral arratsaldean, Donostiako Altza auzoko txabola batean izandako sutearen ondorioz.

Segurtasun Sailak ohar baten bidez jakinarazi duenez, gertakariak 18:10ak inguruan jazo dira. Suhiltzaileak, Ertzaintza, Udaltzaingoa eta osasun-zerbitzuak bertaratu dira berehala, eta sutea itzali eta eraikinaren barrura sartu ondoren, pertsona baten gorpua aurkitu dute.

Batzorde judizial bat ere bertaratu da, eta Ertzaintzak dagokion ikerketa hasi du sutea eragin duten arrazoiak argitzeko.