Aurreko urteetan bezala, Hondarribiko XXVI. Traineru Jaitsiera, eguraldiak utzi ez duenean izan ezik, Gipuzkoako herri hartako hondartzaren parean egingo da, antzina Kontxa banderaren kanporaketako estropada jokatzeko erabiltzen zen ibilbidean. Proba hau Hondarribian egin zen 1982. urtera arte.

Udan, Eusko Label, Euskotren eta KAE Ligetan ospatzen diren "Hondarribiko bandera" abiatzen den toki beretik irtengo da test-entrenamendutzat hartzen den estropada hau, baina kasu honetan estropada bi luzetara egingo da. Estropadaren formatu horri esker, luzera bakoitzak ibilbide bikoitza izango du, eta traineruak itsaso zabalera aterako dira.

Emakumezkoek eta beteranoek distantzia laburragoa izango dute, eta egin beharko duten ibilbidea heren bat murriztuko da, gutxi gorabehera, alderatuta gizonen distantzia ofizialarekin.

Guztira 33 traineruk parte hartuko dute: 9 beterano, 8 emakumezkoetan eta 16 gizonetan. TKEko 7 elkarteen presentzia baieztatuta dago: Getaria, Donostiarra, San Juan eta Hondarribia, Gipuzkoatik; eta Bermeo, Ondarroa eta Isuntza, Bizkaiatik. Era berean, Euskotren Ligako 5 traineruk parte hartuko dute: Zumaia, Arraun Lagunak, Tolosaldea, Hibaika eta Donostiarra.

Lehen trainerua (Endaika “B” beteranoak) 16.00etan irtengo da, eta gainerako parte-hartzaileak minutuz minutu irtengo dira.

Arraun Lagunak eta Donostiarra izan ziren iaz eguraldi benetan petralarekin jokatu zen Hondarribiko XXV. Traineru Jaitsieraren irabazleak.