Larunbat honetan giro ederrean jokatu da bigarren eta erabakiorra izan den finalaurrekoa Aramaioko Kultur Etxean. Peru Abarrategik bereganatu du martxoaren 28n jokatuko den finalerako bigarren txartela.
Andere Arriolabengoa Bengoa, Danel Herrarte Nafarrate, Martin Abarrategi Sarrionandia, Peru Abarrategi Sarrionandia, Sabin Abarrategi Sarrionandia eta Xabi Igoa Eriz aritu dira gaurkoan.
Bigarren fase honetan 14na bertso puntuagarri kantatu dituzte bertsolariek eta bakarkako lana ganbarakoa izan da. Ariketa guztiak egin ondoren, Peru Abarrategik lortu du puntu gehien, 377.
Danel Herrarte izan da bigarren (359,5), Andere Arriolabengoa hirugarren (349,5), Xabi Igoa laugarren (347). Martin Abarrategi bosgarren (343) eta Sabin Abarrategi (333,5).
Honela, sei bertsolari hauek izanen dira hilaren 28an Gasteizen jokatuko den finalean. Aroa Arrizubieta, Iñaki Viñaspre, Maddi Agirre, Martin Abarrategi, gaurko irabazle Peru Abarrategi eta Unai Anda.
Eraso sexistengatik Jon Maya dantzariaren aurkako salaketak argitara atera dira
La respuesta ciudadana aborta otra actuación de Desokupa, ahora en Irun
Fallece el profesor de EHU y activista Zesar Martínez
EITB Focus constata el auge de EH Bildu, el retroceso de UPN y la caída de PSE y PSN
