Zinema Euskaraz programaren eskutik iritsiko da ‘Tafiti eta bere lagunak’ animaziozko film alemaniarra. Publiko orokorrari zuzendutako lana euskarara bikoiztuta ikusi ahal izango da. 

Tafiti izeneko surikata gazteak Bristles txerria ezagutzen duenean, badaki ezin direla lagunak izan. Baina arrano batek Bristles erasotzen duenean, Tafiti korrika joango da hura erreskatatzera.

Txerri basatia Tafitiren atzetik joango da etxeraino, eta nahi gabe zoritxarreko istripua eragingo du: suge pozoitsu batek hozka egingo dio Tafitiren aitonari. Aitona salbatzeko, basamortuko lore mitiko bat aurkitu behar dute. Tafitik bidaia arriskutsu bati ekingo dio lorea aurkitzeko.