Athletic gailendu da Emakumeen Ligako euskal derbian

Realak eta Athleticek gaur eguerdian jokatu duten derbian zuri-gorriak gailendu dira (1-2), nahiz eta hasieran gipuzkoarrak aurreratu diren.

Realak eta Athleticek Zubietan eguerdian jokatu duten derbia bizkaitarrentzat izan da.

Txuri-urdinak aurreratu dira aurrena markagailuan, Naiara Beristainek 20. minutuan egin duen golarekin.

Athleticen berdinketa bigarren zatiko 60. minutuan iritsi da, Erikaren burukada batekin. Erikak berak sartu du garaipenaren gola zuri-gorrientzat, 84. minutuan.