Oiartzunek ezustean irabaziz ekin dio ARC2 ligari
Abian da ARC2 liga eta hitz larriz idatzi beharreko lehen izena Oiartzun. Nagusi aritu dira gipuzkoarrak Erandion, ziaboga bakoitzeko bigarren izan den Arkoteri tartea handituz. Lehenean segundo bateko tartea lortu dute, 12koa 2.ean, 3.a geldoxeago egin dute baina azken luzean berriz ere tartea atera 14 segundoko tarteaz irabazi dute azkenean. Lehen 14 puntuak Oiartzuna.
Oiartzun da ARC2 ligako bere taldeko lehen liderra, gaur Erandion erakustaldia eman ostean. 14 segundoko tartea atera dio Arkoteri, 25ekoa Camargori eta 26koa Getxo Arrauni. Erlojuaren aurka egindako lanean ia luze guztietan azkarrena izan da Oiartzun, 3. luzean soilik lortu du Arkotek denbora hobea egitea, segundo bat hobea.
Denborak batuta, emaitza azkenean Oiartzun lehenengo eta berarentzat izango dira ARC2-ko lehen 14 puntuak. 14 segundo gehiago behar izan ditu gaurko lanak egiteko Arkotek, 25 gehiago Camargok eta 26 Getxo Arraunek. Koska bat atzetik Zumaia, 32 segundora, Bermeo-Mundakak 34 segundo gehiago behar izan ditu eta Hibaikak 39. 44 segundo gehiago bhar izan dituzte Lutxanak eta Donostiarraren bigarren ontziak. Kaiku minutu eta 2 segundora sartu da.
Azken sailkatuak Elantxobe, Santoña eta Colindres izan dira.