ETB2 eta klika
Jon Alvarez Forcada eta Iban Iza Galan | Irakasleak
2019/04/13

Korrikak Txillardegi omenduko du 21. ekitaldi honetan, eta, dakigun bezala, Txillardegik berak klika egin zion euskarari, literaturari, herriari...

Urteak pasa badira ere, ETB2 kateak oraindik ez dio klik egin euskarari. Horrela, urteetan zehar milaka euskaldun (pilotari, kirolari oro har, lekuko, herritar...) jartzen du erdaraz hitz egiten kameraren aurrean, ETB1erako euskaraz grabazio bera egin eta gero. Mesede eskasa euskararentzat. Nola deitu, ordea, jokabide honi, axolagabekeria? Arduragabekeria? Euskararen aurkako jokabidea, gure ustetan.

Jokabide horretan uler daiteke euskarak ez duela piperrik balio. Gainera, muzin egiten dio euskaldun berriari, euskaraz alferrik ikasi duela pentsa baitezake. Ez du motibatzen bertako hizkuntza ikastera.

Horiek hala, ondo legoke, euskarak gure indar guztia behar duen garai honetan, ETBk klika egitea euskararen alde, euskarazko grabazioak bigarren katean ere euskara hutsez emanez, euskararen herria zabalagoa izan dadin.

Era berean, eskatzen dugu euskaldun guztiok klika egin dezagun, eta euskal komunikabideen aurrean, euskara hutsez bizi nahi dugula adierazteko, euskaraz bakarrik erantzutea.

Artikuluak
Joxemari Carrere
2019/06/25
Regino Ayesa Sola
2019/06/25
Mikel Labeaga
2019/06/25
Gutunak
Manu Ballesteros
2019/06/25
Marian Fernández | Comunidades Cristianas de Base de Santutxu
2019/06/24
Ainhize Muniozguren, Diego Gonzalez y Jone Iturrate* | Miembros del área jurídica de LAB
2019/06/21
Joxan Pagola | Ubide
2019/06/21
Azken post-ak
Martin Garitano
2019/06/25
Martin Garitano
2019/06/24
Koldo Campos
2019/06/23
Martin Garitano
2019/06/21