Eunateko elkarbizitza kolokan D ereduaren eta hezkuntza publikoaren kaltetan
Roberto Gomez, Consuelo Allué eta Mikel Izkue*
2019/03/07

Otsailaren 28an berriro ere Eunate Ikastetxeko elkarbizitza kolokan jarri zen. Azken garaiotan pairatzen ari garen mehatxu, irain eta modu bortitzez gain, ikasle mugimendu batek burututako ekintzak berriro astindu zituen lanerako eta ikasteko eskubideak.

Bertako ikasle batzuek eta kanpotik etorritakoek atzo gure ikastetxea hartu zuten ohiko jarduna eragotziz. Egoeraren larritasuna ikusita Hezkuntza Departamentura jo genuen. Departamentuaren erabakia Foruzaingoaren presentzia eta eguneko klaseak bertan behera uztea izan zen.

Mehatxuak eta irainak ez ditugu ikastetxean soilik pairatu. Auzora ere zabaldu izan dituzte eta orain Iruñerrira hedatu dute kanpaina. Honetaz gain, sare sozialetan etengabea da Eunateren irudiaren erabilpen interesatua, D ereduaren eta hezkuntza publikoaren kaltetan.

Luze jo duen egoera korapilatsu honetan Hezkuntzaren esku hartzea sarritan eskatu izan dugu eta ez dugu inongo babesik jaso. Adibide gisa, oraingoan arazoaren iturria izan den bideo bijilantziaren inguruan hezkuntza komunitateari zor zitzaion informazioa irailean bertan eskatu zen eta ez zaigu otsailaren 26a arte ailegatu.

Eunate osatzen dugun pertsona guztiekiko (langile zein ikasle) eta guztiona den ikastetxearekiko begirunea exijitzen dugu.

*Gutuna Eunate institutoko langile hauek sinatzen dute: Roberto Gomez, Consuelo Allué, Mikel Izkue, Marian Zubiaurre, Mª Jose Zazpe, Mª Milagros Iguzquiaguirre, Eva Aranguren, Eneko Arzallus, Miren Oteiza, Xabier Maiza, Lierni Marin, Ainara Oiz, Puy Ecay, Maite Villar, Agurtzane Altuna, Mª Lourdes Iriarte, Idoia Maritxalar, Ana Sagasti, Andoni Ropero, Mª Pilar Mateos, Mª Gloria Equiza, Ana Botello, Sara Martinez, Amaia Domeño, Maite Jurio, Josune Aznarez, Ana Saez, Lorenza Herrero, Kristina Aldatz, Josu Orozco, Marta Diez, Iñaki Otxoa, Katy Vilchez eta Belen Eguaras

Artikuluak
Pello Otxandiano
2019/05/24
Esteban Guillén
2019/05/24
Gutunak
Lidia Barzena Aurrekoetxea | Erandioko Auzokoa Herrikoi Elkartea
2019/05/24
Ane Loperena Montoya | DBH Astigarragan
2019/05/24
Eneko Astigarraga
2019/05/24
Fermin Zabaltza Aleman
2019/05/24
Azken post-ak
Martin Garitano
2019/05/24
Dabid Lazkano
2019/05/23
Martin Garitano
2019/05/23