Jon Rekarteri esker onez
Maite Berazadi Larrea | Berazadi Larrea familiaren izenean
2019/05/21

Oso ustekabean harrapatu gintuen Jon Rekarteren heriotzaren berriak (maiatzaren 9an). Apirilaren 25ean berarekin hitz egiten aritu ginen gure familiak duen proiektu baten inguruan. Jon ezinago interesaturik agertu zen gure aitona zenaren Valentin Larrea Iturbe (1876-1970) musikoaren obra argitara eman nahi genuela eta horretarako piano kontzertu bat antolatzen ari ginela azaltzerakoan. Zarautzen egingo den kontzertuaren grabaketa eskatu genionean oso ongi iruditu zitzaion eta bere osasun arazoak onbideratu bezain laster (hilabetera edo) berrartuko genuela gaia esan zigun. Kementsu eta itxaropenez betea azaldu zitzaigun.

Arrazoi ezberdinek eraman gintuzten Jon Rekarterekin harremanetan jartzera; batetik aspaldiko ezaguna genuen; Pat eta Jon, Iona eta Manex seme-alabak haurrak zirela, Hondarribira bizitzera etorri zirenean, erlazio gozoa egin genuen eta oso oroitzapen ona utzi ziguten.

Bestetik AUS_ART_ RECORDS diskoetxearen jarraipena egin ahal izan dugulako azken urteetan. Miresgarria benetan Jon Rekartek egin duen lana: euskal musika klasikoko hainbat egile ahanzturatik atera eta balorean jarriz. Ohikoa genuen Jon Rekarte Durangoko Azokan eta Sarako Idazleen Biltzarrean, euskal konpositoreen diska bildumak eskeintzen.

Asmatzen ahal da ze lan eskerga eta isila egon den ezaugarri horietako diskaetxea aurrera ateratzeko. Holako lanetan bere herrian eta kulturan sinisten duten determinazioz eta indarrez beteriko pertsonak aritzen dira. Zorionez Euskal Herrian baditugu halakoak. Jon Rekarte horietako bat zen.

Artikuluak
Markel Ormazabal eta Olaia Duarte
2019/09/18
Jesús Valencia
2019/09/18
Patxi Zabaleta
2019/09/18
Gutunak
Jokin Galarraga Otamendi | Jangela eta garbiketako langile kaleratuen izenean
2019/09/18
Koldo Amezketa, Mirentxu Oiartzabal, Ana Guelbenzu eta Juan Andrés Ramírez*
2019/09/18
Enric Vivanco Fontquerni | Barcelona
2019/09/18
José Murillo Ridao
2019/09/18
Azken post-ak
Martin Garitano
2019/09/18
Martin Garitano
2019/09/17
Martin Garitano
2019/09/16