Katedrala eraiki duzue
Iñaki Ereño Bengoa - Elantxobe
2019/11/22

Biharko egunak ere, 24 ordu ditu; baina berri txarrak heldu zaizkigu. Haien berri onak gure berri txarrak direlako. Ohartu ginen zuen bizia atzera kontu bat zela. Betiko zirudien, betirako amaitu da. Halere, Gaur atzo baino gehiago dakit. Zuen abestiekin ikasten, ikasten, beti gure adimena zabaltzen. Ta isiltzen banaiz, ez da hitzik ez dudalako. Zuekin ikasi baitugu denbora hartzen ikusteko jausi behar dela altxatzeko eta orekak ez duela balio lurrean zaudenean. Ikasi dugu gure egiak ere haienak bezainbeste balio dezaketela. Ikasi dugu maitatzen inongo lotsarik sentitu gabe. Hortaz, maitasuna egin maite dugunekin. Burua galdu eta bihotza eman. Zoriontsu izan edo halako zeozer. Gogoratu onenak ginela horretan.

Gure kulturaren birikak izan zarete. Gure bizipenen katedral bat egin duzue. Eta min eman arte zuen falta izan. Zaila da esplikatzen guztia eman ondoren geratzen den sentimendu hori. Oihu egin nahi dut! Zerua ilun, soineko beltz. Berriz min hau. Ez dago miraririk, badakizu. Bizitzea besterik, badakigu. Bizi ala iraun, biziraun zu barik.

Spoiler! Norbaitek oroituko ditu etorkizunean. Guk bihotzak josiko ditugu berriz. Zu ta ni, bi indar, bi argi. Zerbait asmatuko dugu. Bego musika, gugan bizi bedi, bizi beti. Ez dadila haria eten.

Milioi esker txalotzeko, eskuak. Ikusi arte.

Artikuluak
Iñaki Egaña
2019/12/07
Ana Elena Altuna
2019/12/07
Mai Monroy
2019/12/06
Gutunak
Xanti Begiristain Madotz - Auritz
2019/12/06
Anartz Muxika Andres - Orereta Ikastolako hirukotearen izenean
2019/12/06
Mikel Fernandez Minguez | Barakaldo
2019/12/05
Ruben Egia Martinez y Miriam Diaz de Tuesta | LAB
2019/12/05
Azken post-ak
Martin Garitano
2019/12/06
Koldo Campos
2019/12/05
Martin Garitano
2019/12/04