Naiz.info
Bartzelona

Bartzelonak erraz gainditu du Reala Camp Noun (5-1)

Lehen zatian erabakita utzi du Bartzelonak norgehiagoka. Puyolek lehen gola egin du hirugarren minutuan eta Castrok berdintzea lortu duen arren, askoz gehiago izan dira kataluniarrak.

Puyolek egin du lehen gola. (Josep LAGO / AFP)
Puyolek egin du lehen gola. (Josep LAGO / AFP)

Realak ezer gutxi egin ahal izan du Bartzelonaren garaipena zalantzan jartzeko. Hirugarren minuturako lehen gola egin du Puyolek. Azkar erantzun du Realak Castrori esker, baina jarraian Messik bi gol egin ditu eta atsedenaldira joan aurretik Pedrok laugarrena sartu du.

Bigarren zatian bi taldeak emaitzarekin konformatu dira eta Villak gol bat egiteko baliatu du iazko denboraldian lesio larri bat izan ondoren.