LABek azaldu duenez, Gipuzkoako Metalgintzan deitu duten bigarren greba eguna «oso jarraipen zabala» izaten ari da, bai enpresa handi zein txikietan, eta eskualde guztietan.
Jarraipen datuak astelehenean egin zuten lehenengo greba egunaren antzekoak direla esan du sindikatuak: %60-65 artekoa.
Adegik, berriz, %15era ez dela iristen esan du.
Kateatuta Adegiren egoitzan
LABeko hainbat sektoretako langileak kateatu egin dira gaur goizean Adegiren egoitzaren atarian, herrialdeetako lan hitzarmenen alde. Ertzaintza bertaratu da eta askatu egin ditu. Identifikatu ondoren, alde egiten utzi diete.
ELAk aste osoko deialdia egin du Gipuzkoako Metalgintzan, lan hitzarmenik itxi ez duten enpresetan.