Bi milioi euro ordaindu dira irudian ikus daitekeen theropoda hezurdura honen truke Eiffel dorreko lehen solairuan egin den enkantean. Jurasikokoa da eta bildumagile frantses batek erosi du. Theropodaren hezurdura ez dago osorik, %70 bakarrik. Hala ere, 9 metroko luzera eta 2,6 metroko altuera du. Enkantea antolatu duen Aguttes etxeko arduradunak pozik agertu dira, erosleak museo frantses batean erakusteko asmoa duelako. Gainera, ikertzaileek ere aztertu ahal izango dituzte 2013an AEBetan aurkitutako animaliaren hezurrak. Irudian, enkantearen aurretik langileek egindako muntaia.