GAUR8|21/10/2020
Aitita-amamen eskola garaiko koadernoak, kartilak… Berrizen ikusgai

Berrizko Kultur Etxeak aitita-amamen garaiko eskolaren inguruko erakusketa hartuko du azaroaren lehen egunera arte, Gerediaga Elkarteak antolatuta. Batera, igandean, Xabier Amurizak eta Fermin Barcelok solasaldia eskainiko dute bertan; gaia? eskola garai haiek. Parte hartzeko aldez aurretik eman behar da izena.

GAUR8|20/10/2020
Bederatzi lankidetza proiektu, Covid-19aren pandemiari aurre egiteko

Euskampus ekimenaren barruan, EHUk, Bordeleko Unibertsitateak, Tecnaliak eta DIPC-k covid-19aren pandemiaren ondorio ezberdinei erantzuteko bederatzi ikerketa proiektu jarri dituzte martxan, ikerlarien arteko lankidetzan oinarrituta. «Mehatxu biologikoei aurre egiteko babesa eta ekipamenduak eta krisi hau edo etorkizunean etor daitezkeenak aurreikustea eta gainditzea dira» ikerlariek landuko dituzten gaietako bi.

GAUR8|19/10/2020
Jaten dugun haragi guztiak ez du klima aldaketan berdin eragiten

Amigos de la Tierra elkarteak Basque Centre For Climate Change (BC3) zentroarekin elkarlanean egindako txosten baten arabera, «abeltzaintza estentsiboak eta larreen kontserbazioak klima-aldaketa arintzen dute, pentsuen inportazioa oinarri duen abeltzaintza industrialarekin alderatuta».

Ramon Sola|17/10/2020
Amagoia Mujika Telleria|17/10/2020
Zirtoa, euskarazko «zaska» errimatua, grazia bereziko ahozkotasunaren txispa
Ahozkotasuna eta hizketaldia oparo diren egoeretan, zirtoa loratzen da. Besteak esandakoari bizkor, graziarekin eta errimatuz ematen zaion erantzuna da zirtoa, euskarazko «zaska» errimatua. Tolosaldeko Harituz Bertsozale Elkarguneak proiektu bat du eskuartean, gaztetxoak zirtoarekin jolas egitera tentatu eta bertsogintzara gerturatzeko.
Amagoia Mujika Telleria|17/10/2020
«AIZTONDOREN ZIRTOTSA», ZIRTOA BERTSOA PIZTEKO METXA
|17/10/2020
Hausnartzeko telesailak

Telesailak ez dira soilik entretenimendurako sortzen diren telebista produktuak. Une askotan hori ere badira noski, baina atal berri honetan, hausnarketa sakonak egiteko parada eskaintzen diguten ekoizpen paregabe ugari daudela ere aldarrikatu nahiko nuke. Geure garunak astindu, kontzientziak zirikatu eta gai polemiko, interesgarri eta mamitsuak mahai gainean jarriz, eztabaidarako parada ematen dutenak. 2020. urtean ikusi ditudan telesail ugariren ezaugarri nagusia hori izan denez, aitortuko dizut erraza izan dela gomendio zerrenda hau osatzea. Pantaila txikiaren bidez hausnartzeko prest?

GAUR8|16/10/2020
«Ipini betaurrekoak» kanpaina, bidegabekerien aurreko «miopia sozialarekin» bukatzeko

Nafarroako Pobreziaren eta Gizarte Bazterketaren kontrako Sareak abian jarri du «Ipini betaurrekoak» kanpaina, «bidegabekeriak eta ezberdintasunak ikusten uzten ez digun miopia sozialarekin bukatzeko». Sareetan ikusmena neurtzeko erabiltzen ohi diren kartelen formatoa duten mezuak zabaldu dituzte. Horrekin batera Filmin plataforman, borroka horrekin lotutako 25 film ikusgai daudela iragarri dute.

GAUR8|15/10/2020
Dravettzari, euskal kultura eta Draveten sindromeari buruzko kontzientziazioa bultzatzeko proiektua

Martxan da Dravettzari, euskal kulturaren aldeko proiektu solidarioa. Ekimenak bi helburu nagusi ditu: Draveten epilepsia sindrome larriaren inguruko kontzientziazioa bultzatzea eta kultura inklusiboa sustatzea, euskal kulturak gizartea eraldatzeko duen balioa praktikan jarrita. Dravettzari 15 urteko dantzari bat ere bada.

GAUR8|14/10/2020
Umeak argazkigintzaren magiaz kutsatzeko tailer digitalak, Barakaldoko Baffest-en

Baffest emakume argazkilariei zuzendutako argazki jaialdiaren barruan umeengana hurbiltzeko doako bi tailer digital antolatu dituzte. Lehenengoa, «Stop Motion», gazteleraz izango da eta larunbatean eskainiko dute. «Argazki kontakizunak» bigarren tailerraren izenburua da. Azken hau euskaraz izango da, hilaren 24an.

Page 1/ 155