Binakako txapelketaren zortzigarren jardunaldiari amaiera ematen zion neurketa jokatu da gaur arratsaldean Tolosako Beotibar pilotalekuan.

Ezustekoa izan da emaitzan (22-10), Arretxe II.a eta Beginok txapelketako bigarren puntua lortu baitute Berasaluze VIII.a eta Albisuren kontura.

Binakakoan aurrera egiteko aukera gutxirekin ziren irabazleak eta azken neurketetan bolada ona hartua zuten galtzaileek.

Seigarren postuan daude orain Berasaluze VIII.a eta Albisu, azken postuan jarraitzen dute, aldiz, Arretxe II.ak eta Beginok.