Martin Garitano Gipuzkoako ahaldun nagusia Irungo alarde mistoari babesa ematen izango da datorren igandean, Izaskun Landaia Emakundeko idazkari nagusia eta Lohitzune Txarola Gipuzkoako Batzar Nagusietako lehendakariarekin batera.
Horren harira, desfile mistoari Udalean harrera egiteko eskatu dio Jose Antonio Santano Irungo alkateari, egin ezean «herriko jaiak diskriminaziorik gabe ospatu nahi dituzten emakumeei herritartasuna kentzen ari zaielako».
Iñigo Lamarca Arartekoak ere hitz egin du gaiaren inguruan. Haren esanetan «beharrezkoa» da instituzio guztiek berdintasunarekiko konpromiso bat hartzea Irungo alardearen baitan. Elarlanean lan egitera deitu ditu horretarako, «berdintasunaren aurkako jarrerarik Irungo kaleetan gerta ez dadin».
Gaur egun Irunen giza eskubideen urraketa bat ematen dela adierazi du, «alardean emakumeen parte hartzea ezbaitan jartzen delako», eta bere babesa adierazi dio alarde mistoari.