Iñigo Urkullurekin bilduz edo Bruselara eginiko bidaian euskal presoek pairatzen dituzten eskubide urraketekin bukatzeko azken asteotan Etxeratek egin duen lanari «errepresioz erantzun» izana gaitzetsi du Bagoaz kolektiboak, ohar bidez.

Estatu espainolak presoen sostenguaren aurkako «ofentsiban» jarraitzen duela kritikatu du ekimenak.

Ildo horretan, aldarrikatu dute garaia dela Estatu espainol zein frantsesak bake prozesuan pausu baikorrak eman ditzaten eta «ez alderantzizkoak, gaur bezala».