Jusqu'au retrait kolektiboak deituta, ehun lagun inguruk Biarritzeko ordainlekuan kamioien igarobidea blokeatu dute gaur goizean, lan erreformaren aurka. Autoei, berriz, doan pasatzen utzi diete. Ordainlekutik pasatzen zirenei informazioa banatu diete, Kazetak berri eman duenez.

Kolektiboko kideek ahalik eta denbora gehien irauteko asmoa zuten eta ordu batean oraindik han ziren. Blokeoak ilara luzeak sortu ditu, Tarnoserainokoak.

Aldi berean, Baionan, manifestazioa egin dute, El Khomri legea bertan behera utz dezaten aldarrikatzeko. Horren ondoren ordainlekura joateko deia egin dute.