Jon Ormazabal
Iruñea

Iribarria-Rezusta, beste abiadura batean (22-10)

Faboritoak ezer egiterik izan ez duten Ezkurdia-Merino II.aren gainetik pasa dira 271 pilotakada baino izan ez dituen partida azkarrean

Irribarria pilota astintzen (Jagoba MANTEROLA / ARGAZKI PRESS)
Irribarria pilota astintzen (Jagoba MANTEROLA / ARGAZKI PRESS)

Pilotakada ederrak baina ikuskizun txikia izan da gaur Iruñeko Labriten, Irribarria-Rezusta Ezkurdia eta Merino II.aren gainetik pasa baitira 300 pilotakadara iritsi ez den partidan. Jotzaile ikaragarriak dira Buruz buruko txapelduna eta bergarako atzelaria eta gainetik bote handia hartu duen materiala izan dute, ikuskizunaren kaltetan.

Ezkurdiaren sake-erremati bati esker urdinak 0-1 aurreratu diren arren, lehiak ez du inolako orekarik izan, gipuzkoarrek ez dietelako inolako aukerarik eman jokoan sartu ezin izan duen Ezkurdiari eta justu xamar aritu den David Merinori. Gorriek pilota guztiak gozatu dituzte eta pronostikoak uste baino errazago bete dituzte, pilotazaleen kalterako.