Hatortxuren 20. edizioa hartuko duen Lakuntzako eremu zabala goizeko 10.00etan irekitzekoa zen baina ordu horretarako dagoeneko jende ugari zegoen zain, sarrerak eskumuturrekoengatik trukatu eta akanpalekura sartzeko zain. Goizeko 7.00etarako joan denik ere izan da.
#HTX20 Hasi dira lehenengo kanpistak sartzen!!! Ongi etorri!!! pic.twitter.com/fGkvO7pvZj
— Hatortxurock (@Hatortxurock) July 27, 2017
Autokarabana eta furgonetentzako prestatutako aparkalekura ere iritsi dira lehen ibilgailuak, gunea ireki baino ordubete gutxiagora.
NAIZen jarraipen berezia
Gaurtik igandera, elkartasunaren, musikaren eta jaiaren topaleku bilakatuko da Hatortxu, eta NAIZek jarraipen berezia egingo du egunero bere webgunean, sare sozialetan eta GARA egunkarian.
Eskena eta kontzertuez gain, NAIZ GUNEA bezalako espazio berriak izango dira. Zerbitzu gune bat izango da lau eguneko zorabioari lasai heltzeko, kafe bat hartzeko itzaletan, mugikorra kargatu eta jana eta garbitasunerako produktuak erosteko. Gune honetan izango da, gainera, kafetegia eta bertan hitzaldi eta mahai inguruak antolatuko dira: Facu Diaz, Arnaldo Otegi eta Nega (Chikos del maiz), emakumea eta musika,,,
Hona hemen jaialdiaren gida praktikoa.
La sokamuturra de la discordia en Eibar, con protesta y policías, y con la bendición de Andueza
Gasteizen aurkeztuko du Zetakek ‘Km0’ proiektu berria: urtarrilaren 16, 22 eta 23an
ZETAKek etorkizun distopikoaren ateak ireki ditu MITOAROA III ikuskizunarekin
La conjura de los medios para acabar con Pedro Sánchez
