Txapelketaren aurkezpenak beste berri nabarmen bat utzi du, izan ere, kaiola honetan pilotariek ez dute botileroaren laguntzarik izanen, ez bederen bere enpresako beste pilotari baten aurka ari direnean. Neurria ez da txapelketa honetarako izango soilik eta Binakakoan ez da botilerorik izanen inongo partidetan.
Erabakia arrazoitzerakoan, Iñaxio Errandoneak azaldu duenez, «lehen esperientzia San Ferminetako Lau eta Erdikoan izan genuen eta ona izan zen. Aurrerapausu bat da eta pilotariak jakin behar du bakarrik defendatzen». Gainera, Aspeko ordezkariaren iritziz, «ongi etorriko da. Gainera askotan botileroak ez du lan gehiegirik egiten eta itxura kaxkarra ematen dute».
Pilotariek ez dute gaur arte erabakiaren berri izan eta batzuek ez dute batere begi onez ikusi erabakia.
Finala, Navarra Arenan
Zozketarik dagokionez, lehen kanporaketak honela geratu dira:
Ezkurdia/Agirre eta Victor/Retegi Bi A taldean izango dira eta garaileak Altuna eta Olaizola II.aren multzoan arituko dira final laurdenetako ligaxkan
Urrutikoetxea eta Bengoetxea dauden B Multzora berriz, Elezkano II.a/Irribarria eta Arteaga/Jaka kanporaketetako irabazleak sailkatuko dira.
Finalerdiak Bizkaia eta Labrit pilotalekuetan jokatuko dira eta finala azaroaren 18an iragarrita dago Iruñako Navarra Arena pilotaleku berrian.
Los procesos de selección de personal en el sector público foral de Bizkaia, en entredicho
Puede que Josu Jon Imaz no sea de Vox, pero Abascal sí es de Repsol
El Alavés añade un millón de euros más a la fiesta lluviosa de Mendizorrotza (1-0)
