Zaldibarko zabortegiaren kasuaren inguruan mezu hutsalak eta kontraesankorrak zabaltzea leporatu zaie, behin baino gehiagotan, Iñigo Urkulluri eta Lakuako Gobernuari. Orain, baina, muga guztiak gainditu ditu lehendakariak, sare sozialetan euskarazko txio argiezin bat plazaratu ostean: «Bihar, bai Ministeritza eta beste Erkidego Autonomoetakoekin hartu beharreko neurri berrietaz diren -eta adostuta hartuak izango liratekenak- solaskidetzen ondoren eta ondorioz, berriz batzartuko da Batzorde Eragilea».

Bihar, bai Ministeritza eta beste Erkidego Autonomoetakoekin hartu beharreko neurri berrietaz diren -eta adostuta hartuak izango liratekenak- solaskidetzen ondoren eta ondorioz, berriz batzartuko da Batzorde Eragilea.

— Iñigo Urkullu (@iurkullu) March 8, 2020

Antza, sareko itzultzaile bat erabili du EAEko lehendakariak minutu gutxi beranduago gazteleraz zabaldu duen mezu bera euskaraz argitaratzeko.

Halakoetan gertatu ohi den gisara, erantzunak berehalakoak izaten ari dira. Batzuek umorea eta burla erabili dute, beste batzuetan haserrea gailendu eta errespetu falta salatu duten bitartean.

Ere ni ados da @iurkullu ! Neurriak daude beharrik hartu jarraitzeko ezin horrela. Bat besARKADA!#PNVSTYLE #GoogleTranslate

— Bultz! (@Bultz2) March 8, 2020

Itzultzaile neuronalak hobeto egiten du...

— Andu Mtz. de Rituerto (@AnduRituerto) March 9, 2020

Euskaltegian izena emateko gonbita ere egin diote lehendakariari.

Euskaltegietako aurrematrikulak noiz irekiko dira???

— xuxurlatuaz (@ane_maite) March 8, 2020

Lehendakariak euskaraz gisa honetako mezuak zabaltzea gauza serioa dela gogoratu duenik ere izan da.

Euskararekiko errespetu falta izugarria. Hau zabaldu duenak esplika dezala, faborez, ze hizkuntza darabilen. #hamaikakikustekojaioak

— Itargipetik (@itargipetik) March 9, 2020