Heldu den urriaren 2an abiatuko da 2021eko Nafarroako Bertsolari Txapelketa, eta azaroaren 27an bukatuko da, finalarekin. Aurretik, ordea, aurrekanporaketa fasea jokatu da, txapelketan parte hartuko dutenen zerrenda osatzeko.
Hiru saio izan dira igaro berri den asteburuan, ostiralean Igantzin, larunbatean Garesen, eta atzo, igandearekin, Iruritan. 18 bertsolarik parte hartu dute guztira –2019ko txapelketan parte hartu gabekoak eta azken txapelketa horretako azken lau sailkatuak–, eta horietatik hamahiruk eskuratu dute txapelketan parte hartzeko eskubidea. Haiekin batera, beste hamaika bertsolari ere arituko dira txapelketan, dagoeneko sailkatuta daudenak, 2019koan parte hartu izanagatik.
Hiru aurrekanporaketa saio bakoitzeko irabazleak eta sailkapenaren araberako beste hamar bertsolari izan dira txapelketarako sarbidea eskuratu dutenak.
Endika Legarra, Aitor Irastorza Idoia Granizo, Urko Gartzia, Sahats Aleman, Patxi Castillo, Erika Lagoma, Mikel Lasarte, Xabier Silveira, Ekhiñe Zapiain, Ekain Alegre, Egoitz Gorosterrazu eta Oier Lakuntza bertsolariek lortu dute txapelketara igarotzea.
Etxahun Azkarragak, Ainara Ieregi, Mintxo Astiz, Jabi Lezaun eta Aitor Almandoz bertsolariek, berriz, ez dute txapelketarako txartela lortu.
EH Bildu Gasteiz censura el uso de 2 millones de euros públicos en beneficio de El Corte Inglés
Un manto blanco cubre una calle de Errenteria... y no es nieve
El «lawfare» contra su pareja abate a Sánchez, que se toma unos días para decidir qué hacer
Fermin Muguruzak «hasiko naiz pentsatzen 2025erako zerbait» esan du, bi ‘sold out’-en ostean
