Europako Hizkuntzen Eguna ospatzen da gaur. Hori dela eta, Kongresu espainolean ekitaldi berezia egin dute. Bertan, Rozalen kantari gaztelarrak ‘Xalbadorren heriotzean’ abestia kantatu du, keinu-hizkuntzara itzultzaile batekin.

EH Bilduko diputatu Mertxe Aizpuruak Rozalenen kanta «berezitzat eta hungikarritzat» jo du sare sozialetan.

Rozalen euskaraz Kongresuan, Xabier Leteren 'Xalbadorren heriotzean' abesten. Egunero ez dugu halako momentuak bizitzeko paradarik izaten.

Modu berezian eta hunkigarrian ospatu dugu gaur Hizkuntzen Europako Eguna. pic.twitter.com/FIk7stCMvB

— Mertxe Aizpurua (@MertxeAizpurua) September 26, 2024

Ez da Rozalenek Xabier Leteren kanta hau abesten duen lehen aldia. Eta ez da ere euskaraz aritzen den lehen aldia ere. Bilboko Orkestra Sinfonikoarekin bertsio bat grabatu zuen iazko ekainean.

‘Matriz’ diskoa kaleratzeko garaian, gaztelerazko abestiekin batera euskaraz, galegoz eta katalunieraz kantak ere karrikaratu zituen.

«Negua joan da ta»

Zea Mays taldearen ‘Negua joan da ta’ kantaren bertsio bat egitera ausartu zen Rozalan. Horretarako Aiora Renteria abeslariaren laguntza izan zuelarik.

Rozalenek Euskal Herriarekin duen lotura ez da hor amaitzen. ‘El hijo de la abuela’ lanean deportatu baten bizipenen berri ematen zuen.