Tolosako hiltegiko langileak greba mugagabea egiten ari dira gaurtik hasita. Lehen eguna izan den honetan jarraipena %100ekoa izan dela adierazi du ELAk. Otsailaren 24arekin abiatu dute lanuztea, Industrias Cárnicas del Oriaren kudeaketa salatzeko. Halaber, Tolosako Mankomunitateari aferan esku hartu dezala eskatu diote, langileek hainbat hilabete daramatzatelako soldatak kobratu gabe.
Izan ere, sindikatuak jakitera eman duenez, hiltegia kudeatzen duen enpresa esleipendunak ez dizkie langileei nominak ordaindu azken hilabeteetan. Are gehiago, ELAk azaldu du enpresaren zein sindikatuaren ordezkariak hartu emanean ibili badira ere, ez dutela erantzukizuna haien gain hartzeko asmorik agertu. Hori dela eta, sindikatuak Tolosako Mankomunitateari galdegin dio zerbitzua kudeatu dezala, baita azken hilabeteotan langileek jaso gabeko soldatak ordaintzeko ere.
Eskaria erakunde publikoari egin izanaren arrazoia da, ELAk adierazi duenez, hiltegiak ematen duena zerbitzu publikoa dela, nahiz eta enpresa pribatua izan hura kudeatzeaz arduratzen dena. Halaber, adierazi dute langileek Industrias Cárnicas del Oria enpresak zor dizkien nominak kobratzen ez dituzten bitartean ez direla lanera itzuliko.
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
Euskal Estatuaren oinarriak jartzeari ekin dio Sortuk, egitekoa eta zuzendaritza eraberrituz
Esteban se arrepiente de haber ridiculizado el caso de Getxo pero el PNV sigue minimizándolo
