Araban, Bizkaian eta Gipuzkoan eman diren familia eremuko tratu txarrek gora egin dute %20an. Ikerketa baten arabera, 1.626 salaketa jaso dira urteko lehen seihilekoan, berriz, iazko lehen seihilekoan 1.358 salaketa zenbatu ziren.
Haatik, Ertzaintzak jasotzen dituen arau-hauste penalak jaitsi egin dira urtarriletik ekainera. Guztira, 52.370 arau-hauste penal eman dira, iaz, berriz, 52.415 kasu egon ziren.
Ikerketak beste datu batzuk islatu ditu. Esaterako, sexu-askatasunaren aurkako delituak 499 izan dira urteko lehen sei hilabetetan (iaz baino zortzi gehiago). Horietatik, 458 sexu-erasoak izan dira eta 41 sexu-askatasunaren aurkako beste arau-hauste batzuengatik.
Ildo horretatik, jakin da zortzi hilketa egon direla urtarriletik ekainera (iaz hiru izan ziren) eta 19 dolozko giza hilketa egotzita (iaz 26 izan ziren).
Delitu moten arabera, ugarienak ondarearen eta orden sozioekonomikoaren aurkakoak izan dira: 26.493, guztira. Horietatik, 14.846 lapurretak izan dira, 4.854 indarrez lapurtzeagatik, 3.941 kalte delituak eta 2.005 etxebizitzetan indarrez egindako lapurketak.
Bestetik, 11.485 ziberiruzurrak izan dira, 605 ziberfaltsutzeak, 354 zibermehatxuak eta ziberjazarpenak, eta 118 sekretuak argitara ematearekin lotutakoak.
Imputan a tres concejales del PNV de Getxo y tres técnicos por el derribo del palacete
Tortura jasan eta ozen salatu zuen Susana Atxaerandio gasteiztarra zendu da
Euskal Estatuaren oinarriak jartzeari ekin dio Sortuk, egitekoa eta zuzendaritza eraberrituz
Esteban se arrepiente de haber ridiculizado el caso de Getxo pero el PNV sigue minimizándolo
