‘Taupada’ lema da aurtengo hari gidaria; Azoka bizirik dagoenaren adierazle. (Marisol RAMIREZ | FOKU)
Hotzetik eta bustitik esnatu da larunbat goiza; Landakoren ingurumariak ere triste, ohiko jendetzarik gabe. (Marisol RAMIREZ | FOKU)
Gutxi batzuk izan dira Landakok hartu dituen aurkezpen eta mahainguruetara sartzeko aukera izan dutenak, betiere segurtasun neurri guztiak betez. (Marisol RAMIREZ | FOKU)
Programatutako aurkezpenen artean, Leire Bilbaok bere azken liburua aurkeztu du. (Aritz LOIOLA | FOKU)
Emakumeek covid-19 garaiotan musikaren industrian duten presentziaren gaineko solasaldia ere aditu ahal izan da, bertatik zein streaming bidez. (Marisol RAMIREZ | FOKU)
Zuzeneko kontzerturik ere izan da, Amoranteren hau adibidez. (Marisol RAMIREZ | FOKU)
Beste batzuek kanpotik –edo streaming bidez, noski– jarraitu behar izan dituzte programaturiko jarduerak. (Marisol RAMIREZ | FOKU)
Bitartean, biltegi bilakatutako Landakon lepoa bete lan aritu dira Azokako langileak. (Marisol RAMIREZ | FOKU)
Nahiko lan, eskaerak atondu, paketeak prestatu eta bidalketak egiten; lehen sentsazioen arabera, Azokazaleek ondo heldu diote online erosketen erronkari. (Marisol RAMIREZ | FOKU)
Azokatik azaldu dutenez, erosketak epe laburrean jasoko dituzte erosleek. (Marisol RAMIREZ | FOKU)
Bien bitartean, Durangok eguneroko Durango zirudien, Azokaren ohiko zurrunbilotik libre. (Marisol RAMIREZ | FOKU)
Kalean, Azokaren adierazle bakanetakoa kulturaren alde EH Bilduk deitutako mobilizazioa izan da. (Marisol RAMIREZ | FOKU)
Baina aurtengoa Azoka ezohikoa bada ere, Azoka izaten jarraitzen du. Zalantzan duenak, sar dadila www.durangokoazoka.eus webgunera. Bada zer kuxkuxeatu. (Marisol RAMIREZ | FOKU)
Azoka ezohikoena ere Azoka da
Orain arteko Durangoko Azoka ezohikoena izango da aurtengoa. Landakok ez dirudi Landako, Durangok ez dirudi abenduko zubiko Durango eta, zer esanik ez, Azoka ez da aurreko urteetakoa. Baina egokitzapena ematen ari dela dirudi: nobedadeen salmenta erritmo onean doa, disko eta liburu aurkezpenak online jarraitzeko modua dago eta lehen kontzertuak ere hartu ditu Plateruenak. Azoka ezohikoenak ere Azoka izaten jarraitzen du.
05 DéC. 2020
