Ion Izagirrek izugarrizko lana egin du gaur, baita ordaina lortu ere.
Henao eta Izagirre, elkar zoriontzen; Purito pozik egindako lanarekin.
Henaok azken arnasa ere eman du ia jertse horiari eusteko, ezin azkenean.
Aiako malda begira egoteko hobea izango da bizikletan igotzeko baino, galdetu Henaori.
Eskuin-ezker saiatu da Itzulia lortzen baina, Aia luzeegi egin zaio Henaori.
Ez pentsa Purito Rodriguezek sufritu ez duenik, majo lan eginda lortu du Itzulia.
Izagirrek poza hustu du podiumean.
Omar Fraile mendiko txapeldun, lan bikaina egin du Caja Ruralek.
Louis Vervaeke, tarteko helmugen irabazlea.
Tom Dumoulin, askok esperoko ez zuena, gaur garaile.
Amets Txurruka ere gogor aritu da Itzulian, mendiko sailkapenean 2. amaitu du.
Kitto, sufritu dute denek ere baina amaitu da. Deskantsatu.
Itzuliko txapeldunak
Emozioz askoz gehiago ez zegoen eskatzerik eta punta-puntan, goren-gorenean amaitu da Euskal Herriko Itzulia. Irabazleen artean nagusia Joaquim Rodriguez, noski. Gureen artean Ion Izagirre, Quintana liderrari laguntzera etorri arren podiumean bere lekua lortu duena. Baita Omar Fraile ere, mendiko mailotarekin kasu honetan. (Argazkiak: Gorka RUBIO / ARGAZKI PRESS)
11 AVR. 2015
