‘Atera’ izena jarri dio Zea Mays Bilboko taldeak lan berriari. Hasierako lau taldekideek –Asier Basabe baterian, Ruben Gonzalez baxuan, Iñaki Imaz ‘Piti’ gitarretan eta Aiora Renteria ahotsean– jarraitzen dute taldean, eta hasierako gogoa eta askoz esperientzia gehiago gehitu dute urteotan guztiotan. Hau guztia islatu dute publiko egin duten lehen bideoklipean, ‘Kea’.