Carlos Saez de Egilazek joan zen ostiralean bete zuen Estatu frantsesean ezarri zioten kartzela zigorra. Saint Martin de Re-ko kartzelan zegoen. Aske utzi beharrean, ordea, Gradignango espetxera (maison d'ârret) eraman zuten.

Duela bi urte estraditatu zuten beasaindarra Estatu espainolera eta bost hilabete kartzelan igaro ondoren epaitu eta estradizio eskaera artxibatu egin zuten.

Hori baieztatzen duen agiria, ordea, ez dute garaiz igorri Estatu frantsesera eta Gradignaneko espetxean daukate, preso. Tramite burokratikoak egin eta epaileak askatasuna sinatu bitartean ez dute Estatu espainolera kanporatuko.