Euskal Herriko beste lau epaile arituko dira maila profesionalean datorren denboraldian
Jon Ander Gonzalez Lehen Mailako epaile berria izendatu dute eta Arantza Gallastegui, Liga F-ko epaile berria. Halaber, Olatz Rivera, Bigarren Mailako epailea izango da eta Iragartze Fernandez, maila horretako epaile laguntzailea. Iosu Galech iruindarra, Bigarren Mailara jaitsi dute.
Euskadiko Futbol Epaileen Batzordeak astearte honetan iragarri duenez, datorren denboraldian beste lau epaile euskaldun arituko dira futboleko maila profesionalean. Jon Ander Gonzalezek (Barakaldo, 1985) salto egin du Lehen Mailara, azken zazpi urteak Bigarren Mailan igaro ondoren. 2019an hasi zen maila profesionalean, eta bere bigarren urtean, Guruceta Saria irabazi zuen.
Gauzak horrela, Gonzalezek beste bizkaitar batekin partekatuko du kategoria, De Burgos Bengoetxearekin, alegia.
Maila gorenean eman diren aldaketei erreparatuz, Guillermo Cuadrak, Jose Luis Guzmanek, Alejandro Muñizek eta Iosu Galech iruindarrak utziko diote Lehen Mailan arbitratzeari, eta Bigarren Mailan arituko dira laurak.
Liga F-ri dagokionez, Arantza Gallastegi (Galdakao, 1997) igo dute datorren denboraldirako. Bizkerre eta Arratiako jokalari ohia da Gallastegi. Egunera arte, Hirugarren RFEF mailan zuzendu ditu partidak eta 2023an laugarren epailea izan zen emakumezkoen Supercopako finalaurrean.
🔺 IGOERAK / ASCENSOS🔺
— CVAF - Euskadiko Epaileak (@CVAF_Arbitroak) June 22, 2026
🙌🏼 Y en la máxima categoría femenina:
✔️ Arantza Gallastegui, Emakumezkoen Lehen Mailako epaile berria.
Se produce el regreso de Arantza a la Primera División Femenina.
Zorionak‼️#EFAB #CVAF #Euskadi pic.twitter.com/H4VT1Z1B44
Bestalde, Olatz Rivera (Bilbo, 1996) Bigarren Mailan arituko da. Aurretik, soilik Marta Huerta de la Haza epaileak lortu du kategoria horretan arbitratzea. UEFAko epailea da bilbotarra eta 2025eko Emakumezkoen Eurokopan Polonia-Danimarka partidako epailea izan zen. Horrez gain, 2017an debuta egin zuen Liga F-n eta bi Superkopa final zuzendu ditu.
Era berean, Iragartze Fernandez (Getxo, 1993) Bigarren Mailako epaile-laguntzailea izatera igaro da. Urteak daramatza Liga F-n marrazain gisa, eta Superkopako zein Kopako finaletan parte hartu du.
EHUko errektorearen aurka esandakoak zuzendu ditu Antxustegik (EAJ): «Hanka sartu nuen»
Duelo por la joven artista fallecida en Nabarreria y preocupación por las dos heridas en la UCI
La familia de Ander quiere esclarecer los hechos que acabaron con su vida
Hernaniko segadan atxilotu eta 29 urte preso eman zituen Garratz Zabarte hil da
