Tokioko kanpoaldean dagoen Sagamihara herrian desgaituentzako egoitza batean sastakai batekin sartu da bertako langile ohi bat eta 19 lagun hil eta 25 inguru zauritu ditu, Kyodo agentziak berri eman duenez.

Sarraskia egin ondoren, erasotzaileak, 26 urteko gazteak, bere burua entregatu du komisaldegi batean. Desgaitasuna duten pertsonak «mundu honetatik kanpo» nahi dituela esan du, Japoniako hedabideen arabera.

Herriko agintariek adierazi dutenez, gizona psikiatriko batean ingresatuta egon zen duela gutxi, «arriskutsua» zelako.

Shinzo Abe lehen ministroak erasoa gaitzetsi du eta erasoak «terrorismoarekin» zerikusirik ez duela baieztatu du.