Bridgestonek Basaurin duen fabrikarako deituriko zortzi greba egunetan lehena hasi da asteazken honetako goizeko 6.00etan, eta antolatzaileek adierazi dutenez, jarraipen handia izaten ari da. 860 langile ditu fabrikak.
Gaurko egunaz gain, beste zazpi greba egingo dituzte abuztuaren 6, 19, 20, 31 eta irailaren 1, 10 eta 11an, lan harremanen «degradazioa», negoziazio falta eta zuzendaritzak hitzarmena hainbat aldiz ez bete izana salatzeko.
Multinazionalak Burgos (Estatu espainola), Bari (Italia) eta Bethunen (Frantziar Estatua) dituen fabriken mobilizazioekin bat egin dute honela Basauriko langileek. CCOO sindikatuko bozeramaileek adierazi dutenez, Bizkaiako fabrikaren produkzioa goizean «guztiz geratu da protestak sortutako material falta dela-eta».
Mobilizazio hauek zuzendaritzarekin «elkarrizketa» bilatzea dutela helburu adierazi dute grebaren antolatzaileek, eta greba egiteak «arrazoi ekonomikorik» ez duela zehaztu dute.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
