Legegintzaldi berriko lehen batzar nagusia egin du gaur goizean Udalerri Euskaldunen Mankomunitateak, Azpeitiko San Agustin kulturgunean, eta Josu Labaka zinegotzi azpeitiarra hautatu dute batzarkideek UEMA ren lehendakari, hurrengo lau urterako. Labakarekin batera, Zuzendaritza Batzordea osatuko duten beste hamar kideak ere hautatu dituzte batzarrean bildu diren alkate eta zinegotziek. Onintze Amezaga gatikarra izango da, berriz, lehendakariordea.
UEMA ko kide diren herriek duten ordezkaritzaren arabera osatu dute Zuzendaritza Batzordea, herrietako aniztasun politikoa islatuz. Horrela, oraingoan ere, batzordekide berrien artean, EH Bilduko eta EAJko alkate eta zinegotziak daude, hautetsi independeteen ordezkaritzarekin
batera. Era berean, Hego Euskal Herriko lau herrialdeetako hautetsiek osatzen dute UEMAren zuzendaritza.
Gaur egun, 73 udalerri dira UEMAko kide, eta kopuru horri eustea ez ezik, legealdi berrian herri gehiagori atea zabaltzea eta euskararen arnasguneak sendotzen segitzea da asmoa.
De PNV 1980 a EH Bildu 2024, así cambia el mapa pueblo a pueblo del Parlamento de Gasteiz
EH Bildu Gasteiz censura el uso de 2 millones de euros públicos en beneficio de El Corte Inglés
Abenduaren 21erako bigarren kontzertu bat iragarri du Muguruzak, lehenerako sarrerak agortuta
El «lawfare» contra su pareja abate a Sánchez, que se toma unos días para decidir qué hacer
