Abortatzeko eskubidea aldarrikatzeagatik mugimendu feministako kide bat epaituko dute ostiral honetan Barakaldoko epaitegian.
Topatu-k jakinarazi duenez, hari babesa ateratzeko elkarretaratzea egingo dute, 12.30ean.
Hain zuzen, 2013ko abenduan abortatzeko eskubidea aldarrikatzeko Gurutzetako ospitalean egindako itxialdi batean parte hartzeagatik epaituko dute gaztea. Hamarka emakumek parte hartu zuten protesta hartan eta Ertzaintzak indarrez atera zituen zentrotik.
Gobernu espainolak abortuaren legea aldatzeko asmoa agertu zuenean protesta ugari antolatu zituen Euskal Herriko mugimendu feministak, tartean aipatutako Gurutzetako ospitalekoa.