Jon Garaño eta Jose Mari Goenagaren ‘Loreak’ filma Zinemaldiko Sail Ofizialean Urrezko Maskorra lortzeko lehian sartuko da. Pablo Maloren ‘Lasa eta Zabala’ ere Sail Ofizialean emango dute, baina lehiaketatik kanpo.

Donostiako Zinemaldiak eman du bere Donostia Saria jasoko duen aktoreetako baten izena. Aurtengoan saridunen artean Denzel Washington estatubatuarra izango da eta bere ibilbidearen aintzatespen gisa jasoko du Donostia Saria. Jaialdia ere inauguratuko du ‘The Equalizer’ filmarekin.

Donostiako Zinemaldiko Culinary Zinema sailaren laugarren edizioari irailaren 20an emango zaio hasiera ‘The Hundred-Foot Journey’ filmaren emanaldiarekin.

Zinemaldiak eta Kontseiluak ‘Euskaraz bizi nahi dut’ film labur lehiaketaren edizio berria aurkeztu dute. Aurten sari gehiago eta bi atal (profesionalena eta amateurrena) izango dira eta lanik onenak Zinemaldiaren 62. edizioaren baitan emango dira.