LEHENENGO ERA
Osagaiak 4 lagunentzat
500 g tofu, tipula bat, piper berde bat, 150 g kuiatxo, 150 g perretxiko, irina, olioa. Saltsa: 30  ml soja saltsa, 60 ml arroz ozpin, koilarakada bat azukre, koilarakada bat tomate saltsa, 250 ml barazki salda, koilarakada bat maizena.

Zailtasuna                       2               

1. Tofua xukatu, zapi batekin lehortu eta 2 cm-ko dadotan moztu.
2. Tofua irineztatu eta olio berotan frijitu. Paperaren gainera atera.
3. Saltsaren osagaiak nahastu eta egosi.
4. Zartagin batean zerrendatan moztutako tipula, perretxikoak, piperra eta kuiatxoa olio pixka batekin arin erregosi.
5. Saltsa gehitu eta minutu batez egosi.
Plateretan tofua jarri eta, gainean, barazkiak.

BIGARREN ERA
Osagaiak 4 lagunentzat
500 g tofu, 250 g brokoli, jengibre fresko pixka bat, 2 baratxuri ale, irina, olioa. Saltsa: 30 ml arroz ozpin, 100 ml soja saltsa, koilarakada bat ekilore olio, 200 ml salda, koilarakada bat azukre.

Zailtasuna                          2

1. Tofua xukatu, zapi batekin lehortu eta dadotan moztu. Irineztatu eta olio berotan frijitu. Paperaren gainera atera.
2. Saltsaren osagaiak nahastu.
3. Zartagin batean olio pixka batekin baratxuria eta jengibrea arin erregosi.
4. Brokolia eta saltsa gehitu, estali eta egosi.
5. Tofua gehitu eta arin erregosi.