Osagaiak 4 lagunentzat
4 patata. Betegarria: txangurru bat, tipula bat, porru erdia, azenario bat, baratxuri ale bat, 2 koilarakada tomate saltsa, 12 oliba beltz, koñaka, olioa, gatza.  Saltsa: arrautza bat, 200 ml olio, ozpina, gatza.

Zailtasuna                          3

1. Patatak ondo garbitu eta laberako paperarekin bildu. Azpil batean jarri eta labe beroan sartu, 190 gradutan, 30 minutuz. Epeltzen utzi eta papera kendu.
2. Luzeran moztu eta koilara batekin barruko mamia atera, kanpokoa apurtu gabe.
Betegarria:
1. Eltze batean ur gatzatu ugari jarri. Ura berotzean, txangurrua sartu eta, irakiten hasten denetik,  10 minutuz egosten utzi.
2. Atera eta hozten utzi. Haragia atera eta txiki-txiki zatitu.
3. Eltze batean txikitutako tipula, baratxuria eta porrua olio pixka batekin errregosi.
4. Txikitutako azenarioa gehitu eta erregosi.
5. Barazkiak egina daudenean, tomate saltsa eta txangurruaren haragia gehitu eta eragin.
6. Koñak pixka bat bota eta erre. Hozten utzi.
7. Olibak txikitu.
Saltsa:
1. Arrautza eta ozpin tanta batzuk irabiagailuarekin nahasi.
2. Olioa apurka-apurka bota eta etengabe irabiatu. Behar adina ozpin eta gatz bota.
Bukatzeko:
1. Pataten azalak olibekin eta txangurruarekin bete.
2. Gainetik saltsa bota.