Independentistak sareak dei egin die euskal herritarrei datorren martxoaren 27an Aberri Eguna Iruñean ospatzeko. Eguerdian manifestazioa eta ekitaldi politikoa izango dira eta, ondoren, ospakizunak hiriko kaleetan izango du segida.

Sarearen asmoa Aberri Egun zabala antolatzea da, «sigla eta familia politikoetatik harago». Datozen asteotan zabalduko dute Aberri Egun honi buruzko hausnarketa politiko zabalagoa, egitaraua eta zehaztasunak.

Euskal Herritik kanpo burutzen diren ekitaldiak ere bultzatu nahi ditu Independentistak sareak, munduko herrialde desberdinetako sareen bitartez.